ماما نجوى وحذاء الزوج

كتبت : اسماء مندور
ماما نجوى الاعلامية الجميلة والرائعة صاحبة اجمل الذكريات فى طفولة جيل السبعينيات من منا لاتوجد له معها اجمل الذكريات هى و بقلز
تقدم حاليا برنامج بيت العيلة على احدى القنوات الفضائية وقالت انها بتعرف الست الشاطرة من نظافة وجه الصغار ونظافة حذاء الزوج
المقولة دى فيه ستات رحبوا بيها وفيه ستات عملوا هجوم شديد على الاعلامية نجوى ابراهيم وصل ببعضهن انهن هيغيروا فكرتهم الرقيقة عنها لان الزوجة مش خادمة عشان تمسح لحضرتة الحذاء
وانا ارى ان ماما نجوى الجميلة بتتكلم من منطلق ان الزواج حالة من المودة والرحمة والحب بتوصل الزوجة انها تهتم بحذاء زوجها وأن الزوج فى الحالة دى كمان بيهتم بكل تفاصيل زوجتة
واكيد متعرفش ان فيه ازواج كتير ممكن يكونوا كرهوا الستات فى عيشتهم وفى كل الرجالة
فيه زوج بخيل كل جنية الست تاخده منه بطلوع الروح
وزوج بخيل فى المشاعر بخيل فى الحنية او شايفها بتنتقص من رجولتة
او زوج متكبر سلطوى غاوى انه ديما يسيطر ويقلل من قيمة زوجتة
وفية الزوج المنان ال كل ما يصرف اويفسح اسرتة يقعد يمن عليهم
او الزوج العنيف سواء العنف اللفظى او العنف البدنى والنوعين اسوأ من بعض
او الزوج ال اتجوز مخصوص عشان يجيب شغالة تخدمة هو ووالدتة بالعافية مش الحب والمودة
وفيه زوج بيرفض يصرف عل زوجتةمش بخيل بس بيستخصر فيها ومش بيهتم باى حاجة تخصها
والعيوب كتير اكيد ماما نجوى الجميلة ما تعرفش منها حاجة وكل العيوب دى صعب معاها ان الزوجة تاخد بالها من حذاءه هى كل تفكيرها بيكون ازاى تحل مشاكلها
هى اكيد ما شافتش غير الزوج ال عارف ان الزواج مودة ورحمة وبيعمل بيهم
لو عاوزين نعرف الزوج ال زوجتة بتنظف له حذاءه عن طيب خاطر مش عشان هى نظيفة بطبعها
نبص فى وشها هنلاقيها كلها حيوية وسعيدة لان زوجها بيعرف يسعدها بحنيته واهتمامه بيها
محدش يزعل من ماما نجوى هى حتة سكر ولا يمكن تقصد انها تقلل من قيمة الزوجة هى تقصد المعنى الحقيقى من الزواج ال هو الرعاية والاهتمام بادق التفصيل ولايمكن تقصد اى اهانة
بس الاكيد ان فيه ازواج وزوجات فاهمين يعنى ايه زواج وانه سكن ومودة ورحمة وبيبقى كل واحد فيهم بيسعى من قلبة لاسعاد الاخر وبتبقى الزوجة عندها
تعطيه عيونها ومن غير ما يطلب
وبلاش تنظيف الحذاء عشان محدش يزعل
دامت دياركم عامرة بالحب والمودة